හුඟක් කාලයක් හිටියා බලාගෙන
ආයෙත් දකින්නට ඔය රුව
විඳින්නට දෑඟිලි තුඩුවල සුවය
තෙරපෙන හැඟුම්වලින් නලියන
ඉතිං කියන්න…
ආයෙත් ආවෙ ඔබ
අතරමං කර යන්නද??
අතරමං කළා නෙවෙයි මම
පලවැල නෙලන්නට ගිහින් වැරදුණා පාර
වංකගිරියේ වාලුකාවේ
කරක් ගැහුවා පාර හොය හොය
කොන්ගෝවෙදි මංමුලා වැල් පෑගිලා
මතුවුණේ අන්දීස් කඳුවැටියෙන්
ඇන්ටාටිකාවෙදි නොමැරී බේරුණත්ඇලස්කාවෙදි පැහැරගත්තා මාව,
පිටසක්වල හමුදාවෙන්.. (ගත්තා මොළේ සාම්පල්!)
උන් හොඳ මිනිස්සු………
ඇඩ්‍රස් අහල බැස්සුවා ලංකාවෙන්…
කෙලින්ම ආවෙ ඔයා බලන්න.
ඔය ඉන්නෙ නිල් පාටට දිලිසි දිලිසි……
මං ඉන්නවා – කොහේ යන්නද මම
ඒත් ගිය ඔබ නෙවෙයි අද ඉන්නෙ
වෙනස් වෙලා ඔබ!
වෙන්නැති….
හ්ම්ම්……….
ඔව්.
වෙනස් වෙලා මම
අවුරුදු දෙකකට පස්සෙ,
බලාපොරොත්තු වෙන්නෙ කොහොමද
කලින් ඉඳපු කෙනාව ම?
ඒත් මේ ඔයාගෙ ම
මම.
